[1]

A naomhMuire, a mháthair Dé,

guidh liom féin an peacach bocht,

a-nois agus uair mo bháis

is cruaidh an cás a-tá a-nocht.

[2]

Guidh go díochra do mhac féin

fa bheith dod réir, a ghnúis ghlan,

m’fhóirighthin ós é do mhian

guidh dod réir go mbiadh do mhac.

[3]

Guidh an t-athair ’s an sbiorad naomh

a-rís im thaobh, a ghrian bhan,

trí pearsana is aoinDia a-mháin,

guidh an ríghthriath slán dom char.

[4]

Díoghaltas díbhfeirge Dé—

ní hiongnadh é an uamhain orm—

ler thuilleas fala agus fíoch,

muna dtaga dhíot a chur thorm.

[5]

Seacht bpeacaidh marbhthacha im chlí,

fuaradar slí gidh cumhang an treabh,

’s comhachta ar an méid budh liom,

gan tréan ós a gcionn im chreat.

[1]

Brian Ó Ruairc mo rogha leannán
lór a bhuga ag bronnadh séad;
‘s is lór a chruas i gcrú chaoilshleagh,
an cnú do chnuas Ghaoidheal nGréag.

[2]

Murchadh mhac Briain, bradán Sionna,
samhail Í Ruairc ó Raith Té;
nó Niall Caille nár éar aoinfhear,
déar aille na n-aoigheadh é.

[3]

Rí Calraighe na gcreach líonmhar
budh leis Teamhair, treabh na Niall;
béal Bearchán do bhí dhá labhra
budh rí ar seanchlár Banbha Brian.

[27]

‘Sloinn,’ ar Fionnchú na bhfeart ngrinn,

‘cia, a Shéadna, shaorfas Éirinn

ar searg d’uaislibh cláir Chonnla

ón dáimh dhuaibhsigh dhanardha?’

[28]

‘Adhainfidh isan aird teas

aoibheal bheó ar nach bia dímheas

ó mbiad réidhshlighthe im ráith gCuinn;

éindrithle cháich san chogaill.

[29]

‘Gluaisfid Gréagaigh ghuirt Mháighe,

re a gcois sin sluagh combáidhe:

roighne triathGhall Teamhrach Breagh

is fialchlann mheanmnach Mhíleadh.

[30]

‘Féachfaid d’fhaobhraibh a n-arm dte —

cia díobh chlaoidhfeas a chéile? —

an sluagh fraochdha a fódmhuigh Chuinn

’s an ógbhaidh laochdha ó Lunnainn.

[31]

‘Sloinn, a phríomhfháidh phuirt nimhe,

ón troid-se a-taoi d’fháisdine

don dá chliathghasraidh cia an dream

‘ga mbia an t-iathmhagh-soin Éireann?’

[32]

‘Biaidh,’ ar Séadna na salm nglan,

– báidh leam clódh ar cath Lunndan! –

‘críoch Fhloinn ‘ga fionnGhallaibh féin

ón droing iodhlannaigh aigmhéil‘.

[33]

‘D’éis an treasa tig ‘nar ndiaidh

fan ngort bhfionnghlan-sa i bhfinnChliaigh

biaidh cladh do chnámhaibh Saghsan

nach sáraigh cradh comharsan‘.

[27]

Cú Chulainn an chroidhe mhir
níor chuir riamh i rinn éigin
bríogh i gcréachtnughadh a chuirp
síol na n-éachtchuradh n-orrdhuirc.

[28]

An tráth fa dtigdis uile
i gCúigeadh chlann Rudhraidhe
níorbh uamhan le beithir mBreagh
sluaghadh na gceithir gcóigeadh.

[29]

Fir Éireann d’aonrún cogaidh
d’éis na Tána tángadair
d’fhios Eamhna na mbánshroth mbinn
ealbha ánrath fa Oilill.

[30]

Lingis i lámhaibh Ultach
an Cú fíochdha fóbartach
tré bhróin gcrannruaidh choille reann
i gcoinne armshluaigh Éireann.

[31]

Innlid ar Choin na ceardcha
a gcleasa áigh inneallta
uaisle an chuire chneisghil chaoimh
sa bhreisligh uile d’aontaoibh.

[32]

Leathtrom muinntire Meidhbhe
don chur-sa ar Magh Muirtheimhne
téid soin ar chéadfaidh gcatha
do Choin éachtaigh fhionnMhacha.

[33]

Gidh eadh tar éis a ndearna
ar chathaibh Chláir sheinMheadhbha
do créichtchiorrbhadh cneas an Chon
sa treas éichtiongnadh uathmhar.

[34]

Cuiris láimh – lór do phudhar –
d’éis a chuirp do chréachtnughadh
slat dob orsa d’fhine Ír
ar cridhe an Chon-sa an chleitín.

[35]

‘An croidhe ad-chiú ar n-a tholladh
go dul orm ní fheadamar
gur neamhchruaidhe ‘ná cur cloch‘
ar cur fhearchuaine Ultach.

[36]

Gé a-tá a-niogh ‘n-a chosair chró
níor shaoil mé – móide mh’iarghnó –
narbh iarann cruaidh mo chridhe‘
ar sduaigh ghrianfhonn nGáirighe

[37]

‘Bheith dom chroidhe d’fheoil nó d’fhuil
dá saoilinn‘ ar Cú an chleasraidh
‘fa chlár sreabhghlas na mbeach mbinn
leath a ndearnas ní dhingninn‘.

[1]
Mór mhilleas an mheanma bhaoth,
gach buaidhreadh tig dá taobh súd;
gach díoghbháil dá ndéantar lé
níor thuigeas féin gus a-nú.

[2]
Tug mise le meanmain bhaoith
ró toile, gidh taom gan chéll,
do mhnaoi nách inneóstar leam,
madh fada madh gearr mo ré.

[3]
Inghean bhéldearg na mbas n-úr,
grádh tre chiontaibh dá cúl slim,
do réir mh’aithne níorbh fhiú a lán;
dá madh fiú cách, níorbh fhiú sinn.

[4]
Éagóir do radas grádh baoth
dá gruaidh thibhrigh, dá taobh slim;
ag so a-nois an bás rem bhéal, —
beag an sgéal, ní misde linn.

[5]
Mo shuan corrach, uch, mo-nuar!
mo smuaineadh fuar fada ó chéll,
mo chroidhe luath, m’intinn bhocht, —
beag an t-iongnadh nách olc lé.

[6]
Ní dúsgadh dhamhsa, ní suan;
ní hiomdha neach len truagh mé;
acht gidh beag an sgéal mo bhás,
is déanta grás ar son Dé.

[7]
Uch, ach! gion gur chubhaidh rinn
bheith dhuitse tinn mar atám,
ní fáth gotha mar tá mé, —
ní don duine féin an grádh.

[8]
Ní hé mh’anam iarrfas sionn
do choimhéad do chionn ar ngníomh;
fóireadh mé le a míorbhail fén,
guidhim Máthair Dé go díon.

[9]
Focal beag dá briathraibh féin,
bíodh nách bhfuighinn é fá dhó,
dom thoil féin dá ndearnadh sí,
níorbh iarrtha dhamh ní badh mó.